[ Login ]
There are 358 days until our 17th anniversary!
Serving Since:
December 06, 2001
for 5850 days

Capricorn

Country: United States
 
Capricorn's Blogs 23 Blog Entries
Blog   May 15, 2006, 6:03 am
Hi there My Journal,
It have been a while since I've not been here with you. I've been missing and thinking about you every single moment. Me Journal, lub weekend yog ib lub weekend uas kuv nkag siab txhua yam ntawm txoj kev ua neej nyob tsis paub txoj hmoo. Hnub no thiaj li los sau daim ntawv kawg saum koj ua kuv lub chaw tshua.
lub caij lub nyoog twb los zuj zus
tus neeg kuv hlub yuav tau ncaim koj tiag
hauv kuv lub siab tsis xav ncaim koj li
lub siab quaj dhi vim wb yuav sib ncaim tiag
tag kis twb ntshai yuav ncaim koj
kuv tus me naib tsis paub yuav ua li cas
koj nyob tom qab ua lub siab ncaj mog
txawm ncaim koj los tsuas yog kuv lub cev
ncaim koj mus ncaim cis twb tsis yog ncaim siab
tag nrho kuv siab muab rau koj khaws cia
kuv cia siab tias yuav paub koj tawj rov los
yuav rov los pom koj lub tsej muaj luag txhi
kuv me nploojsiab ua siab me tos mog
kuv tseem yuav rov qab los hlub koj ib leeg
kuv yeej yuav tsis qee lub siab muaj dua tshiab
thov nco ntsoov tias ncaim koj tsuas yog lub cev
Txawm txoj kev uas kuv taug ntawv yuav zoo li cas los kuv yuav ua ib siab taug txoj kev ntawv mus kom txog hnub kawg ntawm kuv lub neej. Tsis tau koj ua tus los tsuas yog kuv tau paub koj ib zaug hauv kuv lub neej tias yog kuv txoj kev ntshaw ib tug li koj xwb me Journal. Tsis yog txoj hmoo es tsis cuag mog tsuas yog tias kuv no tsis zoo los phim koj es thiaj li uv lub siab tsis qhia tawm tuaj rau koj paub tiag. Mam li khaws txoj kev nco uas wb tau sim cia rau tiam no ua ib sim neej uas ib txhi npau suav ntshaw. The more I think about you, the more I want it to be true. But I know, in reality true love does not exist in my book. Sometimes, I wonder what is it like to be with you. Tsuas yog cua yaj tuaj thiaj txias zias plawm lub siab kho khaum tseem nco tej thawm tej lub caij ua tsis muaj ib tug zoo lus los ua kev kaj siab. Me Journal, ces xyoo dua xyoo rov los txog xyoo tshiab ua paj ntoo tawg zoo nkauj es nplooj ntoo zeeg tshua xim ua zoo nkauj heev. Qab ntuj nruab dawb vuag, huab txav zuj zus mus ib vuag kawg es Paj tseem me ntxiv raug raug zog nws thiaj lam pw ntawm ib sab qab ntoo rov ua npau suav pom zuj zim mus txog ntawv tus dej hav ua nws thiab nws tus hlub nkawm tuaj sib cuag thaum nkawm sib nco. Ces Paj los nyob zaum ntawm ib sab ntawm txoj paj txiv duas. Paj tos tos ces tsis pom nws tuaj li Paj tig cev yuav rov mus na ces muaj ib tug hluas dhia dhia tuaj txog zoo li yog nws tus hlub. Pheej dhia tuaj txog pom kiag Paj, nws muab Paj puag kiag cas hais tias "uv ncu ncu oj." Pheej hnia Paj daim di ncauj hais lo lus tias "hlub koj." Paj quaj kua muag poob lub siab xav zuj li vuag lawm li tsis paub xyov yog dabsti tsuas yog ntshai ntshai nws ncaim Paj. Ces Pheej cev tes los so Paj cov kua muag es puag nws ruaj ruaj kho tsis tso Paj li. Pheej thiaj li hais rau Paj tias Paj cog lus rau kuv mog yog txawm yuav zoo li cas los koj yuav tsum ua ib siab tsis txhob seev lawm mog. Yog koj pheej seev ces ua rau kuv mob mob siab es yuav ua tsis tau li nawj. Txoj kev hlub wb sim tau cia rau hauv txoj kev npau suav ua muaj tiag rau wb ob leeg los cia wb khaws ua wb txoj kev hlub hauv tus npau suav xwb mog. Koj yog neeg es Koj yog dab kev hlub kev sib sau yuav mus tsis tau, koj thiab kuv wb yeej paub zoo lawm los wb ob lub siab tsis kam lees qhov tseeb. Txij tus npau suav no mus lawm kuv yuav tsis tuaj cuag koj lawm es koj tsis txhob quaj seev seev tsam koj hos seev tau yuam kev rau lwm tus hnov ces yuav ua rau koj thiab kuv yuav tsis tau sib pom siab cuag ib zaug ntxiv. Cia rau yog muaj lwm zoo moo kuv mam li tuaj cuag koj hauv koj tus npau suav tawm uas yog caij rau koj nawj. Ces Paj quaj quaj tsis paub hais li lo lus rau Pheej li. Pheej paub hauv nws siab txawm yuav hlub Paj los Pheej tsis yog neeg es yuav quas Paj nrog nws nyob uake los tsam neeg pom ces dab neeg tsis sib haum ces yuav ua tsov rog sib tua. Pheej muab Paj puag rau hauv Pheej lub xubntxiag es Pheej hu zaj nkauj rau Paj mloog ntawm nkawm txoj kev hlub hauv tus npau suav sib nco sib tshua es yuav ncaim tiag mus tsuas yog ncaim cev tsis yog ncaim siab.
tsaug ntuj zuj zus kuv tus hlub
tuaj sib cuag hauv koj tus npau suav
muab koj puag sov so hauv lub xubntxiag
tsis xav ncaim koj mus li
los lub ntuj yuav kaj tuaj tshav ntuj nrig
ces wb yuav tau sib ncaim tiag
txawm sib ncaim tiag lawm los
kuv lub siab tseem yuav nco nco koj
txog hnub yog koj caij no kuv mam li tuaj tos
mam li tuaj sau koj los nrog kuv nyob ua neej mus ib sim
tus kuv hlub hauv koj tus npau suav nco ntsoov mog
Sometimes you've to go on with out the one you love even though it's hard. Let it's go and let it's be the way it's meant to be. Just don't look back then you won't fall again. Me Journal, yuav ncaim yog kev yuam tshaj vim hais tsis tau tias tawm tuaj rau tus yuav tus hlub tiag vim kev sib ncaim yog ncaim tiag tiag mus tsis sib pom lawm. Thov ncaim koj mog tus me Journal dia siab. Yuav nco ntsoov koj es mam li nyob zoo rau koj yog rov zoo caij mam rov sib cuag dua. Nyob zoo.
SauNpe
Capricorn



[ 2566 Views | 0 Kudos | Add Comment ]
 
Blog   March 23, 2006, 6:45 pm
Nyob zoo me Journal,
Tau ntev lawm tsis tau los sau hais nyob zoo rau koj li. Kuv tuaj nrog koj nyob zov hnub zov hmo los twb tsis los sau ib lo rau hauv koj kiag. Hmo no kuv los sau rau koj tias kuv nco koj heev li es thov koj zam lub txim pub rau kuv vim tias kuv no tsis mloog koj hais li e. Tav li no los kuv tseem tsis tau pw vim tias tus dab ntub tsis tau tuaj ces pw los tsis tsaug zog. Me Journal, twb tau ntev lawm los tsis hnov kuv tug zoo phoojywg moo li es nws hos ua dabsti lawm tiag nes. Nws ncaim mus zoo yam li tsis nco peb lawm tiag. Zoo li nws mus tau kev kaj siab tsis xav tias nws tseem tshuav ib cov zoo phoojywg li peb no nyob tom qab nco nws thiab. Nws ncaim mus los twb tsis hais ib lo lus rau yus paub li es xyov nws hos yuav mus zoo li cas. Yus ces tsuas nyob suav hnub suav hmo seb puas pom nws rov tuaj txuas lus dua xwb. Txawm tias nws mus tsis tuaj lawm los thov kom nws mus zoo nawj. Ntawm kuv, yuav ncaim tsis tau koj li os me Journal. NpaimHlub yog kuv lub chaw uas kuv tau tuaj txuas lus nrog koj tuaj nrog koj ua laug nyob zov hnub zov hmo suav caij suav sijhawm kom dhau zuj zus mus kom tag lub hli.Txawm li cas los kuv yuav ncaim tsis tau koj mus ntev vim koj muaj nqis rau kuv ib zaug los ua kuv lub chaw dai siab thaum kuv muaj kev nyuaj siab. Hnub no tshav ntuj nrig kaj kuv siab luag li ntxhi tias kuv twb tau txiav txoj hmoo zoo lawm thiab. Me Journal, mam li nyob zoo koj nawj.
Saunpe,
Capricorn
[ 2320 Views | 0 Kudos | Add Comment ]
 
Blog   March 20, 2006, 4:59 pm
Nyob zoo Journal,
Ua neeg nyob tsis pom zoo. Tu siab tshaj li os me Journal...kuv xav li cas los tsis tau li tiag. Tu siab vim yug los tsis zoo nkauj los phim nws es thiaj li qhia tsis tau rau nws tias nyiam lawm tiag. Vim nws zoo zoo heev li na. Kuv paub los mas twb qhia tiam sis ntshai heev li na. Me Journal, qhia kuv seb yuav ua cas thiaj li zoo. Kav liam os...cia lwm hnub tso. Hmo no kuv nco koj os me Journal. Pw zoo koj nawj.
SauNpe,
Capricorn
[ 3491 Views | 0 Kudos | Add Comment ]
 
Blog   March 9, 2006, 3:22 pm
Hey Me Journal,
I'm not feeling well at this moment. Kuj tsis paub thiab tiag. Kuv los txog tsev es turn kuv lub computer on xyov ua cas nws thiaj li tuag lawm tsis work li lawm tiag. I'm not a computer addict so I don't know much about. Kuv thiaj li tau tuaj tim school lab tuaj ua kuv daim paper. Los kuj tsis zoo kuv lub siab li thiab xyov li os. I think I'm over stressing for a little thing like this. Kav liam mas, Me Journal. Hnub no nes koj hos ua dabsti xwb? Es puas nco kuv me me thiab? Kuv mam nco koj kawg li es thiaj li sau rau hauv koj. Xyov li os..I think I'm going to be sick tomorrow or the weekend. Me Journal, kuv nyuab siab tiag tiag li os es koj puas yuav pab tau cheer kuv up.....ua li koj mam lom zem nawj...mus lawm os. Nco koj.
saunpe,
capricorn
[ 3562 Views | 0 Kudos | Add Comment ]
 
Blog   March 5, 2006, 9:57 pm
Dear My Journal,
Hey, I'm so sorry for taking so long to come back here to be with you once again. Do you know? Kuv twb xav tias kav liam es tsis txhob tos lawm no los kuv lub siab tsis kheev kiag li. Hmo no kuv nyob kho siab xav tsis tas tias kuv yuav ua cas thiaj li yuav zoo rau kuv tus kheej es tsis txhob nco lawm no. Lawm kuv tsis paub yuav pib qhov twg ua ntej li tiag. Kuv kuj nyuaj siab me me thiab mas me Journal. Kuv mus ib qhov interview los kuv tsis paub xyov yuav xav yuav hais li cas rau lawv. Kuv yeej xav ua qhov haujlwm ntawv tiag tiag tiam sis nws interfere kuv qhov schedule lawm es kuv tsis xav hloov na. Me Journal, kuv yuav tau decide li es kuv tsis paub yauv teb li cas. Kav liam mas kuv mam li tsis txhob txhoj nrhiav dua haujlwm tos kuv tag kawm ntawv tso. Yog kuv tsis nrhiav ces kuv tsis muaj nyiaj them qe tsev. Me journal kuv lem dhau lawm, xyov li tiag, kuv teb tsis tau kuv qhov question. Kuv xav npaum li cas los tsis tau li tiag. Me Journal, I'm really tired right now. I'm so tired. I feel like I don't have the strength to go on in my life any more. I'm trying and trying. I'm still trying, but I'm not getting there. I want to close my eyes and live in my dreams forever. In that dream where I met him. Well, my Journal, kuv tseem tshuav kuv zaj dab neeg tsis tau piav tas rau koj li tiag. Kuv yuav nrhiav ib lub sijhawm los sau kom tas kuv zaj dab neeg es muab rau koj khaws cia ua dab muag nyeem. Right now, my eyes is very tired. Journal tus dai siab, thov txim nawj mam li come back and finish it up for you later or next time. Me Journal tus dai plawv nco koj os es thov koj pw zoo lom zem nawj. Thov koj xa lus nco mus rau nws tias kuv nco nws thiab. Ua koj tsuag os me Journal. Mam nyob zoo koj nawj. Here is a song for you. http://s15.yousendit.com/d.aspx?id=0U2KODU8NO7XN2CGDQTEQ5BXOB
SauNpe,
Capricorn
[ 1636 Views | 0 Kudos | Add Comment ]
 
Blog   February 20, 2006, 6:06 pm
Ntuj os me Journal, koj nyob tuaj lawm dai koj siab es koj hos seev tag lawm koj plawv quaj hu kuv npe. Es, tus me Journal hos nyob li cas lawm rau yav tag lawm es niam no hos yuav nco tag lawm tej niaj kev. Kuv hnov koj suab plawm seev lawm kev kho khuav koj ib nplooj siab lawm tsis tu es kuv thiaj li kho kuv ib nplooj siab uas kuv muab rau koj nqa mus nrog koj nyob ua ib zaug luag nab me Journal. Hnub no lub ntuj tawm tau tshav ntuj nrig zoo nkauj heev es sov so kuv lub siab xav txog koj ib pliag os. Tiam sim no kuv tsis ua dabsti tsuas los nrog koj sau daim ntawv kho siab tuav npe hu lawm xwb. Hey, tau ob peb hnub no tsis tau nrog koj sau ntawv cia es xav sau rau hauv koj tias Happy Valentine's Day no nawj. Hnub Valentine's Day kuj tsis mus qhov twg li vim tias tsis muaj tus hlub li luag es tsis muaj tus coj yus mus noj ib pluam mov. Los koj tsis tu siab tiag vim yus tug tsis tau los nrog rau yus nrog koom. Ntev lawm tsis tau pom koj, kuv kuj nco koj ua luaj thiab.Txoj kev yus xav mas nws tsis yooj yim rau yus kiag li nas. Koj puas paub thaum i kuv nug kuv tus tijluag nws ib lo lus tias kev hlub yog dabsti tiag es cas yuav ua tau rau txhua tus neeg mob siab tag npaum li no. Nws teb raws li nws paub xwb tias kev hlub yog ib yam ua yuav muab los tsis tau rau txhua tus vim nyias muaj nyias txoj kev hlub es txoj kev ntawm nyias xyov nws yog dabsti. Txoj kev hlub ntawm kuv, kuv xav mas nws yog yam ua kuv tsis paub tsis to taub li. Thaum kuv muaj kev hlub lawm, txoj hlub ntawd yog los ntawm kuv tej phoojywg thiab kuv tsev neeg zoo. Muaj ntau yam kuv nug txog kuv tus kheej zoo yam li kuv tsis nkag siab li los kuv tseem nrhiav kev los pab kuv tus kheej kom kuv nkag siab txog txoj kev no. Me Journal, nyob tuaj lawm es koj puas xav tias puas yuav muaj tiag rau kuv ib zaug los hlub nws ib pliag uas zoo li npau suav ib vuag nas. Kuv ntshia tseem ib hnub mus tsis txog hnub ntawv es kuv tsis tau nws los ua kuv tug kom kawg ces ntshe yuav mob nws lub siab quaj dhi nrhiav nco txhua hmo zoo li kuv tus me Journal quaj seev daim ntawv tuav npe hu nab. Hmo no kuv nco koj es thov kom koj nyob lom zem luag ntxhi mus xwb mog kuv tus me Journal dai siab.

SauNpe,
Capricorn
[ 1252 Views | 0 Kudos | Add Comment ]
 
Blog   February 1, 2006, 8:04 pm
Hello Journal,
It has been a while since I haven't write to you. How is my Journal doing tonight 2-1-06 at pacific timezone. Hmo no kuv tsuas saib ntawv me me thiab xav txog nws ib pliag. Tsis paub yuav piav sau li cas rau hauv koj es koj thiaj li to taub kuv hais yog dabsti tiag. Txawm koj tsis nkag siab qhov kuv sau rau daim ntawv txuas hauv koj los kuv yuav sau li. Hmo no puas kho kuv me Journal lub me nploojsiab nab? Es kuv tus me Journal puas nyob zoo li txhua lub caij kuv tuaj nrog nyob uake txhua hmo. Ntawm kuv tsis muaj dabsti tiam sis tu siab heev rau ib tug niam laus uas nws muaj nqis rau kuv ib vuag. Ib pliag xwb nws twb ploj lawm mus es ncaim kuv tseg cia nyob xav tias nws tseem yuav rov tuaj nrog kuv txuas lus mus ntxiv. Cas kuv yuav nco nws thiab wb tej kev ua si txuas lus hais luag ntxhi es zoo li wb yog kiag ib khub vivncaus niam txiv yug. Yuav nco ntsoov nws cia ua lub chaw tshua chaw teeb lus hauv nruab siab tias tau ntsib thiab paub nws ib zaug. Muaj ntau yam kuv xav hais qhia rau nws paub es seb nws puas yuav nrog kuv luag dua. Ntshe yuav tsis hnov nws lub suab luag lawm tiag. Ntshe yuav tau muab nws lub npe khaws cia rau hauv kuv siab thiab hauv koj daim di ntawv kab tes tws hos me Journal. Ntshe kuv yuav nco nws tej lub sijhawm. Kuv ib txhi yug los muaj vivncaus muaj nus zoo sib hlub sib qhia kom ua neej zoo tab sis tsis tau muaj ib tug ua kuv yuav qhia tau kuv txoj kev nyiam. Xyov yog hmoo dabsti es kuv tau ntsib nws zoo li ib vuag npau suav hauv kuv lub neej es kuv muaj peem xwm qhia tau rau nws tias kuv nyiag nyiam leej twg thiab. Tiam sis tu siab mob siab ua nws tau ncaim kuv lawm tiag. Cia kuv nyob nrog lub kua muag quaj poob rau nws ib zaug xav tias nws yog kuv ib zaug kev phoojywg vivncaus tau sib ntsib tiam no. Txawm yuav zoo li cas los kuv yuav tsum rau rau siab li nws hais rau kuv. Me Journal thov txim uas kuv sau tau kua muag poob hauv koj me ntxiv lawm los koj zam txim pub rau kuv mog. Dhau ntawd ces kuv nyob kaj siab yam li tseem muaj lub ntuj tshav ntuj los nag zoo li txhua txoj hauv kev tus npau suav taug cia li kuv tau hais tseg raws li txoj hmoov muaj. Es...kuv me Journal nploojsiab dai plawv koj puas paub tias kev mus ua ib tus zoo niam tsev mam nyuaj tshaj plaws li nab. Cov uas tau ua niam tsev lawv thiaj li paub tseeb txog txoj kev ua nyab ua niam tsev teeb luag tus txiv. Ntawm kuv tseem tsis tau txawj es kuv tseem niaj hnub npaj siab kawm saib seb kuv puas yuav muaj lawm txoj hmoov twg puas yuav tau los ua nws tus nkauj nyab hauv nws duab siab ib pias dua nab kuv me Journal. Es...koj puas paub nab, koj puas tau ntsib ib tus neeg hauv koj txoj kev npau suav koj ntxub ntxub nws tiam sis nws pheej ua rau koj nco nco nws tej lub sij hawm uas nws tsis thab koj li. Hey...me Journal hmmm hmo yog ib hmo uas zoo vim koj yog tus neeg dai dai tuaj ntawm kuv ib sab ua daim ntawv teeb kuv kua muag tshiab es ntshe kuv yuav nco nco koj txog hnub rov tuaj nrog koj sau ntawv tuav npe hauv nab me Journal os..Kuv yuav rov qab mus nyeem kuv cov ntawv lawm es koj kav tsij nrog lawv lom zem thiab tsis txhob pub NplaimHlub tu lawm sia mog. Nyob zoo rau koj kuv tus me Journal qhia tawm ntuj los nag tshav.
SauNpe
Capricorn
[ 3062 Views | 0 Kudos | Add Comment ]
 
Blog   January 16, 2006, 7:45 am
Dear Journal,
Hnub no mob mob lub siab vim tias kuv tsis zoo ntxim luag siab. Luag dag dag kuv ua siab tos tos txog hnub no es luag mam li qhia qhov tiag rau kuv paub. Ua cas Journal, xav kom nws zoo li koj es thiaj li tsis mob npaum no. Journal qhia los qhia los rau kuv saib seb vim li cas tug kuv nyiam hos tsis nyiam kuv es tug kuv tsis nyiam hos yuav vwm tag rau kuv. Me Journal, hnub no nyob tuaj dai kuv siab tsis xav ua dabsti li tsis xav mus qhov twg nrog tej phoojywg. Tsuas xav yaj yuj yees lawm mus tej niaj kev kom ploj mus kom tag xwb. Ntshe yuav muab txoj kev kaj siab zais cia kom tob tob hauv nruab siab ua neej tsis qhia neeg tsis qhia dab saib seb puas yuav muaj lawm txoj hmoov twg es neeg puas yuav paub es dab puas yuav pom txog. Ces Paj tig kiag mus nab nws pom ib tug neeg nyob txais zias seev suab hu nkauj kho siab khuav. Ua cas nws lub suab seev raug Paj lub siab ua luaj es ua tau rau Paj lub kua muag poob ntsw los. Paj thiaj xav kiag tias ua cas tug neeg no hos ua tau rau Paj lub siab dhia yam li tsis paub pib los sis piav qhov twg thiaj li yog. Paj thiaj li los nyog ntawm tom qab nws es mloog nws seev hu nkauj. Thaum nws hu zaj nkauj tag nws tig los ntsia Paj lub tsej muag. Lub ntuj tshav ntuj ncig kaj siab lug zoo li pom txhua txoj hauv kev. Journal koj puas paub nab, ua cas kuv xav mus los mus los los cas tus npau suav no yeej yog tiag tab sis tsis tau txog qhov uas yuav yog tseeb. Txhua lub caij tau nrog nws thaum nws seev suab hu nkauj rau kuv mloog zoo li yam tus npau suav ua kuv tau nrog nws nyob uake lawm tiag. Tseem chim chim lub siab tsis tau paub xyov yauv ua cas thiaj li nkag siab tuaj. Me Journal es koj puas nco kuv nab li kuv nco nco koj os. Mam li nyob zoo rau koj nawd daim ntawv Journal dai siab saum kuv txoj kev seev.
SauNpe,
Capricorn
[ 2205 Views | 0 Kudos | Add Comment ]
 
Blog   January 4, 2006, 3:29 pm
Nyob Zoo Xyoo Tshiab Journal Tus Nco,
Hmo no koj ua dabsti hos kuv tus me Journal, puas tseem nco kuv? Hmo no lub siab yaj yuj yees tuaj nrhiav koj ib leeg xwb nas kuv me Journal. Hnub no, kuv rov qab mus kawm ntawv. Kuv kawm ib class xwb thiab ua haujlwm. Mus hauv class los kuj tsis muaj dabsti zoo thiab tsuas nyob mloog tus teacher hais nws cov lus lecture. Tom haujlwm los kuj laj nyob me me thiab vim tias tsis tau nrog koj nyob ua ke. Dag xwb os, yeej tau nrog nws tham sau ntawv me me lawm thiab mas. Kuv me Journal, xyoo tshiab no mus kuv yuav npaj siab qhib rooj tos koj los ua kuv tus saib seb koj hos yuav xav li cas rau kuv. kuv twb yuav luag hnov nco txog kuv zaj dab neeg piav tsis tau tag rau koj os Journal. Cia hmo no tsis txhob piav kev hlub vim tias kuv tsis paub txog kev hlub es cia piav txog lub neej pem suav hos zoo li cas rau kuv. Kuv xav tias kuv lub neej pem suav no kuv yuav mus nrog lawv koom tes pab nrog lawv nrhiav tswv yim los pab rau peb cov tub hluas ntxhias kawm ntawv muaj kev cia siab rau lub neej pem suav. Kuv vam tias kuv yuav mus kawm los pab kuv tus kheej es kuv thiaj li ua tau ib tug neeg zoo rau kuv lub neej pem suav. Muaj ntau yam uas kuv tseem tsis tau paub txog txoj kev ua neej nyob muaj nqis npaum li cas. Vuag ib pliag xwb kuv twb sau tau ntau ntau rau hauv koj lawm kuv me Journal. Kuv zoo siab thiab vam tias wb yuav nyob kaj siab lug li no mus tag ib txhi li wb tus npau suav wb tau hais tseg cia. Me Journal, cia kuv tseg li no es mam nyob koj mog. Kuv mus lawm mam rov qab tuaj dua es sib ntsib dua nawd kuv me Journal tus zoo lus.
SauNpe,
Capricorn
[ 2208 Views | 0 Kudos | Add Comment ]
 
Blog   November 16, 2005, 2:50 pm
Nyob Zoo Tus Journal,
Ntev lawm kuv tsis tau los sau rau hauv no. Hmo no nco koj thiaj li los hais rau koj tias kuv nco. Txhua hmos kuv tuaj nrog NplaimHlub nyob tias koj yuav nyob ze no. Twb ib lub xyoo dua lawm tiag Journal vam tias koj yuav nyob li qub tsis muaj kev mob ua rau NplaimHlub vwm dua ntxiv mus rau lub xyoo tshiab tuaj no. Tav no lawm tiag es kuv tus me Journal puas tseem nyob kaj siab li qub. Hais txog Capricorn, nws tseem nyob li yam tas lawm xwb tsuas tias nws hmoov phem me me xwb. Kev kawm ntawv tseem kawm ntxiv thiab tseem muaj siab tso mus ua tej laj haujlwm los pab nws kev ua neej. Thaum nws muaj kev tu siab los sis kev nyuaj siab nws tseem muaj neeg los pab txhawj nws me me thiab. Tsis tag tseem muaj koj ua tus Journal deev nws siab txhua lub caij. Hais txog kev npau suav rov mus ntsib dua tus hlub rau hauv lawm tiag. Tseem tau tuav nws tes tseem tau pw hauv nws lub xubntxiag tsis xav ncaim mus li. Los yuav tau ncaim nws mus tiag vim neej thiab npau suav nyob tsis tau ua ke ib lub ntuj. Tav li no cua tuaj txias zias es kuv me Journal koj tseem xav txog leejtwg es hauv koj chaw puas muaj chaw rau kuv sau ntxiv mus lawm.Mam nyob zoo rau koj mog.

Sau Npe,
Capricorn
[ 2312 Views | 0 Kudos | Add Comment ]
 

Displaying Page 2 of 5
Previous [   1   2    3    4    5  ]  Next