[ Login ]
There are 107 days until our 16th anniversary!
Serving Since:
December 06, 2001
for 5735 days

Capricorn

Country: United States
 
Capricorn's Blogs 23 Blog Entries
Blog   February 20, 2006, 7:06 pm
Ntuj os me Journal, koj nyob tuaj lawm dai koj siab es koj hos seev tag lawm koj plawv quaj hu kuv npe. Es, tus me Journal hos nyob li cas lawm rau yav tag lawm es niam no hos yuav nco tag lawm tej niaj kev. Kuv hnov koj suab plawm seev lawm kev kho khuav koj ib nplooj siab lawm tsis tu es kuv thiaj li kho kuv ib nplooj siab uas kuv muab rau koj nqa mus nrog koj nyob ua ib zaug luag nab me Journal. Hnub no lub ntuj tawm tau tshav ntuj nrig zoo nkauj heev es sov so kuv lub siab xav txog koj ib pliag os. Tiam sim no kuv tsis ua dabsti tsuas los nrog koj sau daim ntawv kho siab tuav npe hu lawm xwb. Hey, tau ob peb hnub no tsis tau nrog koj sau ntawv cia es xav sau rau hauv koj tias Happy Valentine's Day no nawj. Hnub Valentine's Day kuj tsis mus qhov twg li vim tias tsis muaj tus hlub li luag es tsis muaj tus coj yus mus noj ib pluam mov. Los koj tsis tu siab tiag vim yus tug tsis tau los nrog rau yus nrog koom. Ntev lawm tsis tau pom koj, kuv kuj nco koj ua luaj thiab.Txoj kev yus xav mas nws tsis yooj yim rau yus kiag li nas. Koj puas paub thaum i kuv nug kuv tus tijluag nws ib lo lus tias kev hlub yog dabsti tiag es cas yuav ua tau rau txhua tus neeg mob siab tag npaum li no. Nws teb raws li nws paub xwb tias kev hlub yog ib yam ua yuav muab los tsis tau rau txhua tus vim nyias muaj nyias txoj kev hlub es txoj kev ntawm nyias xyov nws yog dabsti. Txoj kev hlub ntawm kuv, kuv xav mas nws yog yam ua kuv tsis paub tsis to taub li. Thaum kuv muaj kev hlub lawm, txoj hlub ntawd yog los ntawm kuv tej phoojywg thiab kuv tsev neeg zoo. Muaj ntau yam kuv nug txog kuv tus kheej zoo yam li kuv tsis nkag siab li los kuv tseem nrhiav kev los pab kuv tus kheej kom kuv nkag siab txog txoj kev no. Me Journal, nyob tuaj lawm es koj puas xav tias puas yuav muaj tiag rau kuv ib zaug los hlub nws ib pliag uas zoo li npau suav ib vuag nas. Kuv ntshia tseem ib hnub mus tsis txog hnub ntawv es kuv tsis tau nws los ua kuv tug kom kawg ces ntshe yuav mob nws lub siab quaj dhi nrhiav nco txhua hmo zoo li kuv tus me Journal quaj seev daim ntawv tuav npe hu nab. Hmo no kuv nco koj es thov kom koj nyob lom zem luag ntxhi mus xwb mog kuv tus me Journal dai siab.

SauNpe,
Capricorn
[ 1239 Views | 0 Kudos | Add Comment ]
 
Blog   February 1, 2006, 9:04 pm
Hello Journal,
It has been a while since I haven't write to you. How is my Journal doing tonight 2-1-06 at pacific timezone. Hmo no kuv tsuas saib ntawv me me thiab xav txog nws ib pliag. Tsis paub yuav piav sau li cas rau hauv koj es koj thiaj li to taub kuv hais yog dabsti tiag. Txawm koj tsis nkag siab qhov kuv sau rau daim ntawv txuas hauv koj los kuv yuav sau li. Hmo no puas kho kuv me Journal lub me nploojsiab nab? Es kuv tus me Journal puas nyob zoo li txhua lub caij kuv tuaj nrog nyob uake txhua hmo. Ntawm kuv tsis muaj dabsti tiam sis tu siab heev rau ib tug niam laus uas nws muaj nqis rau kuv ib vuag. Ib pliag xwb nws twb ploj lawm mus es ncaim kuv tseg cia nyob xav tias nws tseem yuav rov tuaj nrog kuv txuas lus mus ntxiv. Cas kuv yuav nco nws thiab wb tej kev ua si txuas lus hais luag ntxhi es zoo li wb yog kiag ib khub vivncaus niam txiv yug. Yuav nco ntsoov nws cia ua lub chaw tshua chaw teeb lus hauv nruab siab tias tau ntsib thiab paub nws ib zaug. Muaj ntau yam kuv xav hais qhia rau nws paub es seb nws puas yuav nrog kuv luag dua. Ntshe yuav tsis hnov nws lub suab luag lawm tiag. Ntshe yuav tau muab nws lub npe khaws cia rau hauv kuv siab thiab hauv koj daim di ntawv kab tes tws hos me Journal. Ntshe kuv yuav nco nws tej lub sijhawm. Kuv ib txhi yug los muaj vivncaus muaj nus zoo sib hlub sib qhia kom ua neej zoo tab sis tsis tau muaj ib tug ua kuv yuav qhia tau kuv txoj kev nyiam. Xyov yog hmoo dabsti es kuv tau ntsib nws zoo li ib vuag npau suav hauv kuv lub neej es kuv muaj peem xwm qhia tau rau nws tias kuv nyiag nyiam leej twg thiab. Tiam sis tu siab mob siab ua nws tau ncaim kuv lawm tiag. Cia kuv nyob nrog lub kua muag quaj poob rau nws ib zaug xav tias nws yog kuv ib zaug kev phoojywg vivncaus tau sib ntsib tiam no. Txawm yuav zoo li cas los kuv yuav tsum rau rau siab li nws hais rau kuv. Me Journal thov txim uas kuv sau tau kua muag poob hauv koj me ntxiv lawm los koj zam txim pub rau kuv mog. Dhau ntawd ces kuv nyob kaj siab yam li tseem muaj lub ntuj tshav ntuj los nag zoo li txhua txoj hauv kev tus npau suav taug cia li kuv tau hais tseg raws li txoj hmoov muaj. Es...kuv me Journal nploojsiab dai plawv koj puas paub tias kev mus ua ib tus zoo niam tsev mam nyuaj tshaj plaws li nab. Cov uas tau ua niam tsev lawv thiaj li paub tseeb txog txoj kev ua nyab ua niam tsev teeb luag tus txiv. Ntawm kuv tseem tsis tau txawj es kuv tseem niaj hnub npaj siab kawm saib seb kuv puas yuav muaj lawm txoj hmoov twg puas yuav tau los ua nws tus nkauj nyab hauv nws duab siab ib pias dua nab kuv me Journal. Es...koj puas paub nab, koj puas tau ntsib ib tus neeg hauv koj txoj kev npau suav koj ntxub ntxub nws tiam sis nws pheej ua rau koj nco nco nws tej lub sij hawm uas nws tsis thab koj li. Hey...me Journal hmmm hmo yog ib hmo uas zoo vim koj yog tus neeg dai dai tuaj ntawm kuv ib sab ua daim ntawv teeb kuv kua muag tshiab es ntshe kuv yuav nco nco koj txog hnub rov tuaj nrog koj sau ntawv tuav npe hauv nab me Journal os..Kuv yuav rov qab mus nyeem kuv cov ntawv lawm es koj kav tsij nrog lawv lom zem thiab tsis txhob pub NplaimHlub tu lawm sia mog. Nyob zoo rau koj kuv tus me Journal qhia tawm ntuj los nag tshav.
SauNpe
Capricorn
[ 3046 Views | 0 Kudos | Add Comment ]
 
Blog   January 16, 2006, 8:45 am
Dear Journal,
Hnub no mob mob lub siab vim tias kuv tsis zoo ntxim luag siab. Luag dag dag kuv ua siab tos tos txog hnub no es luag mam li qhia qhov tiag rau kuv paub. Ua cas Journal, xav kom nws zoo li koj es thiaj li tsis mob npaum no. Journal qhia los qhia los rau kuv saib seb vim li cas tug kuv nyiam hos tsis nyiam kuv es tug kuv tsis nyiam hos yuav vwm tag rau kuv. Me Journal, hnub no nyob tuaj dai kuv siab tsis xav ua dabsti li tsis xav mus qhov twg nrog tej phoojywg. Tsuas xav yaj yuj yees lawm mus tej niaj kev kom ploj mus kom tag xwb. Ntshe yuav muab txoj kev kaj siab zais cia kom tob tob hauv nruab siab ua neej tsis qhia neeg tsis qhia dab saib seb puas yuav muaj lawm txoj hmoov twg es neeg puas yuav paub es dab puas yuav pom txog. Ces Paj tig kiag mus nab nws pom ib tug neeg nyob txais zias seev suab hu nkauj kho siab khuav. Ua cas nws lub suab seev raug Paj lub siab ua luaj es ua tau rau Paj lub kua muag poob ntsw los. Paj thiaj xav kiag tias ua cas tug neeg no hos ua tau rau Paj lub siab dhia yam li tsis paub pib los sis piav qhov twg thiaj li yog. Paj thiaj li los nyog ntawm tom qab nws es mloog nws seev hu nkauj. Thaum nws hu zaj nkauj tag nws tig los ntsia Paj lub tsej muag. Lub ntuj tshav ntuj ncig kaj siab lug zoo li pom txhua txoj hauv kev. Journal koj puas paub nab, ua cas kuv xav mus los mus los los cas tus npau suav no yeej yog tiag tab sis tsis tau txog qhov uas yuav yog tseeb. Txhua lub caij tau nrog nws thaum nws seev suab hu nkauj rau kuv mloog zoo li yam tus npau suav ua kuv tau nrog nws nyob uake lawm tiag. Tseem chim chim lub siab tsis tau paub xyov yauv ua cas thiaj li nkag siab tuaj. Me Journal es koj puas nco kuv nab li kuv nco nco koj os. Mam li nyob zoo rau koj nawd daim ntawv Journal dai siab saum kuv txoj kev seev.
SauNpe,
Capricorn
[ 2191 Views | 0 Kudos | Add Comment ]
 
Blog   January 4, 2006, 4:29 pm
Nyob Zoo Xyoo Tshiab Journal Tus Nco,
Hmo no koj ua dabsti hos kuv tus me Journal, puas tseem nco kuv? Hmo no lub siab yaj yuj yees tuaj nrhiav koj ib leeg xwb nas kuv me Journal. Hnub no, kuv rov qab mus kawm ntawv. Kuv kawm ib class xwb thiab ua haujlwm. Mus hauv class los kuj tsis muaj dabsti zoo thiab tsuas nyob mloog tus teacher hais nws cov lus lecture. Tom haujlwm los kuj laj nyob me me thiab vim tias tsis tau nrog koj nyob ua ke. Dag xwb os, yeej tau nrog nws tham sau ntawv me me lawm thiab mas. Kuv me Journal, xyoo tshiab no mus kuv yuav npaj siab qhib rooj tos koj los ua kuv tus saib seb koj hos yuav xav li cas rau kuv. kuv twb yuav luag hnov nco txog kuv zaj dab neeg piav tsis tau tag rau koj os Journal. Cia hmo no tsis txhob piav kev hlub vim tias kuv tsis paub txog kev hlub es cia piav txog lub neej pem suav hos zoo li cas rau kuv. Kuv xav tias kuv lub neej pem suav no kuv yuav mus nrog lawv koom tes pab nrog lawv nrhiav tswv yim los pab rau peb cov tub hluas ntxhias kawm ntawv muaj kev cia siab rau lub neej pem suav. Kuv vam tias kuv yuav mus kawm los pab kuv tus kheej es kuv thiaj li ua tau ib tug neeg zoo rau kuv lub neej pem suav. Muaj ntau yam uas kuv tseem tsis tau paub txog txoj kev ua neej nyob muaj nqis npaum li cas. Vuag ib pliag xwb kuv twb sau tau ntau ntau rau hauv koj lawm kuv me Journal. Kuv zoo siab thiab vam tias wb yuav nyob kaj siab lug li no mus tag ib txhi li wb tus npau suav wb tau hais tseg cia. Me Journal, cia kuv tseg li no es mam nyob koj mog. Kuv mus lawm mam rov qab tuaj dua es sib ntsib dua nawd kuv me Journal tus zoo lus.
SauNpe,
Capricorn
[ 2197 Views | 0 Kudos | Add Comment ]
 
Blog   November 16, 2005, 3:50 pm
Nyob Zoo Tus Journal,
Ntev lawm kuv tsis tau los sau rau hauv no. Hmo no nco koj thiaj li los hais rau koj tias kuv nco. Txhua hmos kuv tuaj nrog NplaimHlub nyob tias koj yuav nyob ze no. Twb ib lub xyoo dua lawm tiag Journal vam tias koj yuav nyob li qub tsis muaj kev mob ua rau NplaimHlub vwm dua ntxiv mus rau lub xyoo tshiab tuaj no. Tav no lawm tiag es kuv tus me Journal puas tseem nyob kaj siab li qub. Hais txog Capricorn, nws tseem nyob li yam tas lawm xwb tsuas tias nws hmoov phem me me xwb. Kev kawm ntawv tseem kawm ntxiv thiab tseem muaj siab tso mus ua tej laj haujlwm los pab nws kev ua neej. Thaum nws muaj kev tu siab los sis kev nyuaj siab nws tseem muaj neeg los pab txhawj nws me me thiab. Tsis tag tseem muaj koj ua tus Journal deev nws siab txhua lub caij. Hais txog kev npau suav rov mus ntsib dua tus hlub rau hauv lawm tiag. Tseem tau tuav nws tes tseem tau pw hauv nws lub xubntxiag tsis xav ncaim mus li. Los yuav tau ncaim nws mus tiag vim neej thiab npau suav nyob tsis tau ua ke ib lub ntuj. Tav li no cua tuaj txias zias es kuv me Journal koj tseem xav txog leejtwg es hauv koj chaw puas muaj chaw rau kuv sau ntxiv mus lawm.Mam nyob zoo rau koj mog.

Sau Npe,
Capricorn
[ 2299 Views | 0 Kudos | Add Comment ]
 
Blog   September 19, 2005, 9:23 pm
Tus phoojywg Journal,

Thov txim rau kuv mog vim tias kuv yuav ncaim koj mus. Kuv yuav tsis tuaj cuag koj lawm. Vam tias koj yuav kaj siab. Thov txim ntau ntau uas kuv sau tsis tau tag kuv zaj dab neeg rau koj khaws cia. Yog thaum twg kuv sau tau tiav lawm mam li xa rau ib tus neeg nws mam li pab muab rau koj khaws cia nawd mog. Zoo lub siab tau paub koj Journal rau hauv Nplaimhlub. Nyob zoo rau koj Journal.

Ncaim Lawm,
Capricorn
[ 5257 Views | 0 Kudos | Add Comment ]
 
Blog   September 12, 2005, 7:50 pm
Nyob zoo Journal,

Nyob li cas lawm xwb? Ces Paj pom ib tug me noog ntsuab liab tseb yaj mus tsws rau ib nooj ntoo ua tawg paj liab vuag saunm ntaws ntoo. Paj thiaj li caum tus noog qab mus txog ib qhov chaw ua Paj twb tau pom dua los lawm tabsis tsis nco qab xyov yog qhov chaw twg. Paj tseem hnov ib lub suab hu seev kho siab heev. Paj tig mus rau nram hav los tsis pom leejtwg li. Paj tig mus rau pem tej los tsis pom muaj leejtwg li thiab. Paj thiaj li rov mloog dua seb lub suab seev hu qhov twg tuaj.Thov txim yuav tau mus mam nyob koj nawd.

Sau Npe,
Capricorn
[ 1950 Views | 0 Kudos | Add Comment ]
 
Blog   September 6, 2005, 10:32 pm
Zoo siab hmo no Journal,

Hmo no hnub qub tawm tau zoo nkauj heev li los kuv tseem pw tsis tsaug zog vim yog txoj me kev nco koj os Journal. Ib hnub mus los ob peb hnub no koj puas kaj siab thiab? Vam tias koj tseem nyob li qub li yam tag los. Lam tuaj hais qhia rau koj paub tias kuv tsis ua li cas. Kuv lub three weekend no ces zoo li npau suav ib vuag. Kuv twb ua tsis tau dabsti li. Nyob zoo rau koj Journal.

Sau Npe,
Capricorn
[ 1822 Views | 0 Kudos | Add Comment ]
 
Blog   August 31, 2005, 6:30 pm
Nyob zoo kuv tus Journal,

Tav li no lawm kuv me npooj siab Journal, koj nyob li cas lawm puas nco kuv thiab? Ces Paj muab nws lub xov tooj cia rau saum nws lub rooj. Paj kaw nws lub qho muag. Cas nws zoo li ib vuag ib pliag xwb. Paj twb nyob rau ib qhov chaw uas nws tsis tau pom dua li. Qhov chaw Paj pom no zoo nkauj heev li. Paj ntsia mus nraum hav cas pom ib tus dej los tau zoo nkauj ntxim siab heev li. Zoo li Paj nws taug taug ib txoj kev dav uas muaj ntau ntau cov paj tawg nyob tod ib sab tob tog kev uas mus rau nraum tus dej.Mam nyob koj nawd kuv tus Journal phoojywg.

Sau Npe,
Capricorn
[ 2490 Views | 0 Kudos | Add Comment ]
 
Blog   August 29, 2005, 11:29 am
Nyob zoo Journal,

Tshav ntuj nrig so sov kuv lub me siab quaj dhi rau koj xwb. Tav li no lawm koj nyob li cas? Puas muaj kev lomzem hauv nplaimhlub thiab puas nrhiav tau tus nco? Hnub no yog ib hnub ua kuv tsis muaj kev mus los sis kev nyuaj siab.Tus neeg muaj nqis hais.."hello Paj, puas khoom nrog kuv tham ib pliag..lam hu koj xwb vim tias kuv pw tsis tsuag zog tseem xav txog koj es koj puas kam kuv tuaj saib koj? Paj lub siab dhia heev li, nws qhib ncauj hais lus los hais tsis tau. Ces ua rau Paj hais lus yuam kev rau tus neeg muaj nqis..."tias hmm kuv twb yuav pw es mam li nrog koj tham dua os" Nyob zoo rau koj thiab vam tias hnub no koj yuav nyob kaj siab lug es yuav nrog luag sib cuag sib tshua.

Sau Npe,
Capricorn
[ 1631 Views | 0 Kudos | Add Comment ]
 
Blog   August 24, 2005, 10:32 am
Zoo siab Journal,

Ntev lawm koj nyob li cas lawm xwb es puas tseem nco kuv li? Paub zoo tias koj tseem tsis tau khoom los nrog kuv tham lus luag ntxhi vim tias koj tseem nrog luag sib cuag.Kuv kuj tsis muaj kev nyuab dabsti li tsuas xav seb koj nyob li cas lawm. Ces Paj mus pw saum nws lub txaj. Nws hnov nws lub xov tooj quaj ces Paj tseem teb kiag "hello" cas tseem yog tus neeg ua nws tos tos seb puas yuav rov hu nws dua. Thaum Paj hnov kiag nws lub suab xwb Paj lub siab dhia deev heev li ua rau Paj hais tsis tau ib lo lus rov rau tus neeg muaj nqis.Koj mam nyob es kuv yuav tau rov mus nrhiav kev rau wb los sib sau ntxiv.

Sau Npe,
Capricorn
[ 625 Views | 0 Kudos | Add Comment ]
 
Blog   August 16, 2005, 5:22 pm
Nyob zoo Journal,

Rov qab tuaj txog hnub no los vim lub siab tsis kam ncaim mus tiag. Lub siab quaj di rov tuaj nrog koj tham mus ntxiv. Hnub no koj ua dabsti xwb? Kuv kuj tsis muaj abtsi hais sau rau hauv koj li os Journal. Tiamsis, cia kuv sau me me ib zaj dab neeg rau wb nyeem uake lomzem hauv nplaimhlub hmo no. Kuv mas li piav me me hais txog ib tus hluas nkauj ua npausauv mus pom nws tus hlub nyob hauv txoj kev sib nrhiav hauv npausauv. Cas muaj ib hnub lub ntuj tob tom los nag ntawm taug tsev, NkaujPaj tseem nyeem nws phau ntawv yuav tag. Thaum nws nyeem txog nploog 34 lawm nws xav tias aww cia tsis txhob nyeem mus ntxiv cia kuv mus pw tag kis mam li rov nyeem dua. Paj muab nws phau ntawv khaws cia.Thov txim nawd, kuv yuav xaus li no cia lwm hnub kuv mas rov tuaj piav ntxiv mus mog.

Sau Npe,
Capricorn
[ 586 Views | 0 Kudos | Add Comment ]
 
Blog   August 11, 2005, 3:56 pm
Nyob zoo Journal,

Hnub no kuv tuaj nrhiav koj thiab tuaj txuas lus nrog koj. Koj xav licas rau kuv xwb es koj puas kam. Journal, zoo kuv lub siab kuv tau pom koj thiab paub koj me me hauv kuv hlub neej twb zoo zoo kuv lub siab lawm. Koj puas paub tias nplaimhlub yog wb qhov chaw nco wb qhov chaw sib cuag sib tham hais lus luag ntxhi. Thaum kuv tau nrog koj nyob hauv nplaimhlub kuv lub siab twb kaj lawm tias tseem muaj koj ua kuv tug phoojywg. Journal, hnub no kuv tsis ua absti tsuas nyob xav txog ib txoj kev saib puas yuav paub koj zoo rau hauv nplaimhlub. Nplaimhlub deev tau wb lub siab thiaj li muaj koj es Kuv thiaj li tau tuaj pom thiaj li tau sau rau hauv koj. Journal, puas kam rau kuv thiab koj sib paub mus ntxiv.

Sau Npe,
Capricorn
[ 638 Views | 0 Kudos | Add Comment ]
 

Displaying Page 3 of 5
Previous [   1    2   3    4    5  ]  Next